打邊爐嘅湯底都有好多選擇，今次試咗芫荽皮蛋鍋，湯底夠晒清，配海鮮味道一流，可以食到海鮮嘅原汁原味！鍾意肉類嘅，亦都有好多選擇，例如我呢款澳洲M和牛，美國牛肩胛片等，牛肉非常高質，入口鮮嫩，雪花滿滿油香十足！
去到海鮮區放眼望埋去款式真係好多，例如有眼仔碌碌三眼仔蟹、肉蟹、深海鮑魚、跳跳紮大蝦、大頭蝦、好大粒下嘅東風螺、掌心大蜆、肥美沙白，鍾意食海鮮嘅一定唔能夠錯過呢度！行過少少，仲有蟶子和九肚魚，而且海鮮全部好新鮮，即煮即食真係特別鮮甜㗎！仲有專人幫你洗乾淨，鮑魚都刷到白雪雪，非常貼心嘅服務！全部海鮮仲係任撈任煮，見到佢不停補課㗎！
自助熟食區選擇亦唔少，矜貴嘅麻辣小龍蝦、特大桶蠔、脆鯇魚片、大人細路都啱食嘅港式點心、邊爐必備嘅響鈴，炸魚皮等等，仲有各款前菜生果蔬菜丸類，真係應有盡有！
熟食方面，鐵板鵝肝多士、鹽燒牛舌、燒香草羊胺、西京燒比目魚、川味燒鮮蠔、蒲燒饅魚、皇牌燒乳鴿王等等，真係食到捧住個肚仔！
最後梗係要食埋呢度嘅甜品同埋雪糕啦，甜品我就極度推介呢款巨型馬卡龍，唔算太甜，入口煙煙韌韌非常好味！
1
1
