個人認為旺角分店是3間分店中，尺數最大的，環境比其他2間寬敞🛋️
去到食物自助區即刻就見到佢啲大魚缸，入面嘅海鮮琳琅滿目，有大頭蝦、九節蝦、鮑魚、三點蟹、大蜆、花螺等等，海鮮嘅流動都幾快，比客人拎咗部份之後即刻有員工添貨，絕對係貨源充足，而且保持新鮮。每枱都有一個鐵桶，可以自己親手任撈，撈完交比店員就會安排專人清洗乾淨，等一等就搞掂，乾淨又衛生。之前食過九龍灣嘅分店，呢度蜆嘅款式會多啲，更多了九肚魚及白鱔，值得一讚～
1
5
自助區有其他肉類、丸類、蔬菜類，款式繁多，而且可以拎住啲熟食、甜品、水果，一邊食一邊等啲食物煮熟。每台仲會有QR code，可以點啲牛肉、豬肉、羊肉等嘅火鍋材料，仲有熟食嘅乳鴿、鵝肝多士、銀鱈魚、串燒等，總有一款啱你食。
3
1
我發現餐廳熟食上比其他分店多了金銀蒜粉絲蒸蟶子王～😋
4
