牛站(駅)麻辣火鍋放題

营业中

休息中

小編身為火鍋愛好者 好中意去唔同嘅火鍋店食火鍋 最近就好喜歡喺呢間火鍋店食 因為有小編最中意既海鮮😍 每次小編都係揀最高lv果隻🤭因為有澳洲M5和牛 同埋海鮮😍而且其他火鍋配料都好多元化 蔬菜🥬有成8款甘多 岩哂中意食菜既愛好者 而芸芸配料中 小編最驚喜就係佢居然有田雞呢個火鍋配料 係其他既火鍋放題好少見🫣牛肉既質素都幾穩定 叫左幾round都唔錯 牛味濃😜不過小編主力係大頭蝦同蠔😍每隻大頭蝦都好多膏同埋啲蠔有勁大隻🤭小編一個人記食左成斤蝦有多😌蠔都食左成打😆仲有個竹笙蝦滑都幾得意 食落個口感好正 其他餐廳都未試過 因除左火鍋配料外 佢仲有好多熱食同餐前小食 等大家喺度等緊個鍋底或者材料熟嘅時候食 小編最為推介就係佢嘅乳鴿 😚完全可以媲美出面餐廳嘅水準👍🏻所以值得小編encore 除左以上講既野 佢仲有成個甜品🍮櫃同雪條櫃 小編即使食到好飽 仲仲要食返條榴槤雪條😝因為果隻好好食 榴槤味好濃🤤喜歡飲酒既都品可以錯過 因為佢有啤酒任飲外佢仲有清酒都係任飲 所以總括黎講唔計無限時任食既火鍋🍲放題 呢間暫時係小編既top 1🫶🏻