🥟 今次試咗幾款點心，每款都好有驚喜：
- 🫖 荔枝玫瑰茶 $28/位
香氣清幽，荔枝甜香配上淡淡玫瑰味，飲落好解膩。
- 🐙 丹山海蜇頭配柚子醋 $128
海蜇頭厚身大塊爽脆，唔似平時薄薄地一條條嗰種，配上清爽青瓜粒同酸香柚子醋，清新開胃。
- 🍤 脆皮泡菜鮮蝦腸粉 $88
腸粉皮薄滑，包住香脆炸皮，內藏爽口泡菜同彈牙鮮蝦，泡菜微辣帶酸，口感豐富又有驚喜。
- 🥟 水晶蝦餃 $78
外皮晶瑩，蝦肉飽滿鮮甜，咬落爽彈，調味不會過重，水準不錯。
- 🐟 魚籽燒賣 $72
外皮綠色搶眼，頂部點綴黑色魚籽，增添矜貴感。燒賣蝦肉比例高，啖啖都食到鮮味，口感紮實。
- 🥩 竹笙牛肉球 $78
牛肉球鬆軟多汁，不會太肥膩，混入香茜令口感更有層次，加了少許喼汁更提味。
- 🍅 意大利茄酸辣湯鮮竹蝦卷 $88
鮮竹蝦的外層腐皮好有鮮香，蝦卷吸滿酸辣湯汁，酸中帶辣，仲有番茄嘅鮮甜，配埋小火保溫，暖胃又惹味。
- 🐷 黑豚叉燒包 $68
包皮鬆軟微甜，黑豚叉燒餡香濃不膩，肉質嫩滑，甜中帶鹹，吃點心必叫。
- 🍲 天子蘭花膠海螺竹絲雞湯 $238
湯底清澈鮮甜不油膩，充滿竹絲雞嘅滋補味道，花膠大件爽口，整體好足料。
