Kopitiam By Saya

营业中

休息中

今晚同屋企人去咗海之戀商場嘅Saya泰式餐廳食飯，8點到埗，發現原來晚上8點後入座仲有海鮮七折優惠，即刻覺得賺到！ 金柚子芒果沙律，一上枱就聞到好香嘅柚子味，芒果絲切得好幼細，仲有啲炸蒜同花生碎增加口感。沙律汁酸酸甜甜咁，好開胃. 泰式炒金邊粉,虎蝦大大隻，肉質爽口彈牙。金邊粉炒得好乾身，仲有啲蛋絲同豆腐乾增加口感。加埋青檸汁同花生碎，泰式風味十足！蟹肉奄列外層煎到金黃色，入面包住滿滿嘅蟹肉，仲有啲蔥花同香料調味。點埋佢哋特製嘅甜辣醬，更加惹味。檸檬葉燒雞原隻雞上枱好震撼！皮燒到脆卜卜，但肉質依然好嫩滑。最特別係用咗檸檬葉醃製，食落有陣陣清香，唔會太油膩。香茅菊花茶好清新，飲落好舒服。泰式青檸茶就酸酸地，好解膩。