HABITŪ table (美麗華廣場1期)

营业中

休息中

搵到一間立於鬧市之中嘅恬靜之處。餐廳位於商場底層地下，可能因為係平日嘅關係，四周圍環境唔會太嘈。餐廳嘅佈置浪漫，裝修都好復古，同朋友黎食返個休閒下午茶，或者同男朋友仔黎拍拖談心，都係一個唔錯嘅選擇。當日去嘅時間都比較尷尬，已經係下午4點幾啦，叫咗個卡邦尼意粉同三文魚Egg Benedict 。意粉份量唔多，味道方面，濃郁嘅奶香加上淡淡嘅香草點睛，個汁濃稠度調校得好好，唔會太濕之餘又夠掛麵，而麵嘅硬度個人覺得適中。Egg Benedict 都好耐冇食，呢間有煙肉、三文魚、龍蝦，三款可以做配搭。今次選擇咗三文魚，魚皮煎得一香脆可口，魚煎得乾身但唔影響入面嘅魚肉。蛋黃唔係特別香，但調味正常。沙律菜加埋醫汁酸甜開胃。綜合黎講：價錢方面，少貴。食物質數方面，整體唔錯但份量唔多。比較值得一講嘅係，佢個汁濃稠度係剛剛好掛麵，到食完係冇多餘嘅汁出黎嘅。