Terrace in seaside (海運大廈)

营业中

休息中

海港城有另一間出名整日式蛋包飯，但佢款款都係配咖哩，當日唔想食咖哩就嚟咗呢一間韓式試下啦～ 店面唔係好大， 由於係平日去食，所以都好快入座。餐廳給客人的水加了薄荷葉，飯前遞上，飯後也有主動添水。兩人去食，餐前有一份小薯仔沙律，隔黎檯3個人有兩份，但後來見到有一檯2個人都有兩份，唔知如何計算。不過薯仔飽肚，少食為好，留番個肚食主食。叫了2個蛋包飯，份量好足，男士應該食得飽，女士可能食唔曬。牛肋骨蛋包飯唔錯，肉質夠淋。雞胸明太子蛋包飯配了少少沙律菜，明太子醬微辣，雞肉有香草味，整體清新開胃。不過比較起黎，雖然雞肉唔算好鞋，但牛肋骨味道始終較優勝，想健康的朋友就可以揀雞肉。最驚喜一刻就係店員切開蛋的一刻，裡面滿滿的流心蛋，外型鼓鼓的，外觀看起來很吸引。店員會等你相機ready先切，值得一讚👍希望日後蛋包飯可以再多d款式，同埋蛋味比較淡，可以諗下用濃味d既靚蛋，或者加點調味。