基隆茶餐廳

营业中

休息中

今日又係好繁忙的一天，中午時分去咗旺角太子一帶，經過界限街見到聞名已久嘅基隆茶餐廳，佢出名從來唔係因為出咗甚麼美食，而係茶餐廳會定期派飯及物資比區內老弱社群，剩係呢點都值得支持一下，可能已過最忙時間店內不是滿座，我輕鬆坐下卡位看餐牌，午餐都算平，叫咗個葡汁焗雞皇飯，等超過10分鐘，上枱熱辣辣，明顯係即叫即焗，葡汁面加咗芝士，焗完有些焦香，雞扒都係煎過先焗，皮脆肉嫩，米飯煙煙靭靭，我比75分，不過不失。凍奶茶反而唔錯有茶香又夠滑溜。