帕維亞意大利餐廳

营业中

休息中

相約三五知己聚餐，友人話指定要九龍城附近，舒服又傾到計嘅地方。上網一搵見呢間唔錯，幾多推薦，就試下啦!餐廳近九龍城廣場，唔太難搵。一入到去，待應好有禮貌招呼我哋，仲有特別推介。環境清淨，配合柔和嘅燈光，十分舒服。上主菜前先上左個餐包，蒜蓉包好脆，個蒜香味正。主菜先上焗瑞士芝士配薯: 芝士味濃小咸，對鍾意芝士嘅朋友一定要試。黑松露菌忌廉汁意大利雲吞: 黑松露菌味香，雲吞皮厚薄啱啱好，包到好似餃子咁足料，令人食到停唔到口。燒西班牙紅毛豬骨: 一上枱就香氣撲鼻，食落肉質嫩滑，油香滿溢。牛肉千層闊麵: 外表同坊間食開嘅唔同，內裏麵和肉嘅比例平衡，肉唔會過多或太小。燒法國春雞: 雞肉嫩滑，配上香草，認真惹味。朱古力心太軟配紐西蘭雪糕: 有流心、朱古力唔會太苦，正好啱曬留肚食甜品嘅友人。蘋果批配鈕西蘭雪糕: 蘋果批夠晒鬆脆，用黎做飯後甜品一流!總結: 餐廳食材高質，價格合理，性價比高。可惜朋友都唔太好酒，唔係開支酒傾住計食，就真係寫意。