同好多burger 店一樣，佢都係做外賣為主，但外面有個門口位，人少少可坐o係o個度食。尤其店家用心將o個個位包裝到好靚，本身木造設計已經令人聯想起spa house，佢仲掛上大張鮮艷顏色o既曼陀羅彩繪，配上閃燈，簡直係gimmick，打咭一流呀！
叫得自己做泰式，間鋪真係有得叫以泰式炸雞或者魚餅整成o既burger，而小食都有無骨鳳爪同蝦餅揀wo。我試o左一個原隻軟殼蟹漢堡($68)，賣相唔錯，隻蟹突晒出o黎大件夾盛惠，食落又十分鹹香鬆脆。
o係下面d 蕃茄、生菜同洋蔥部份淋o左一款黃色醬汁，一般實以為係yellow mustard 啦，但係食落反而似咖哩汁，味道幾特別。而且個醬富有顆粒，可能再加o左辣粉都唔出奇，所以個包會有d 辣~
解辣最好就係飲番下凍o野喇！d burger 升做combo 加$20 起，視乎你配咩o野drink。泰式奶茶夠風味，龍眼冰或者梳打又夠消暑，叫o左個巨峰提子梳打(共加$22)。包裝好特別，係用膠袋盛載，好有去東南亞旅行o係街邊檔買o野飲o既畫面！
Combo 仲有個chips/洋蔥圈，揀o左後者，都炸得幾香口。其實呢個位都幾近嘉頓山，下次一於買外賣上去野個餐都好~
