君子餐廳

营业中

休息中

好耐之前已經食過這間餐廳，對佢哋嘅出品留下唔錯嘅印象，所以今次再嚟幫襯，試試其他菜式。早早就預約好位，帶住期待嘅心情嚟到北角匯。😌餐廳裝潢走高雅路線，燈光柔和，氣氛非常適合約會。服務員態度親切，介紹餐牌時都好細心，令人感覺舒服專業。🍞 銀魚柳蛋黃醬配法包法包外脆內軟，帶有微微酥香，配上鹹香濃郁嘅蛋黃醬，很不錯。🍮 法式鵝肝焦糖燉蛋配田園沙律 (+$48)燉蛋質感幼滑，肝嘅香氣濃郁，表層嘅焦糖薄脆得嚟唔會過甜，咬落層次分明。配搭嘅田園沙律清新爽口，正好平衡咗焦糖燉蛋嘅濃郁感。🍴法式白酒煮青口青口份量十足，食落鮮嫩飽滿，白酒醬汁同樣出色，帶有淡淡嘅香草同蒜香，味道清新但又唔會失去法式料理嘅濃郁特質。我哋仲忍唔住用多塊法包將醬汁掃清光！🍗 油封法國鴨腿配新薯，紅莓汁鴨腿皮脆肉嫩，油香四溢但口感唔油膩，肉質鮮嫩入味，配埋甜酸適中的紅莓汁，味道層次豐富。新薯亦煮得啱啱好，外層微脆，內裏綿密。🦞 波士頓龍蝦扁意粉伴龍蝦汁另一主菜係龍蝦扁意粉，龍蝦份量足，肉質彈牙鮮甜，龍蝦汁濃郁而不膩，緊緊包裹住每條意粉。嫩口無渣嘅蘆筍切片加入在內，為成道菜增添少許清新感，個人最愛就係呢一道主菜。