同朋友去咗圓方（ELEMENTS）嘅HABITU歎下午茶，餐廳環境真係令人好放鬆。成個地方設計簡約又有格調，坐喺靠窗位仲可以睇到溜冰場，牆身主要係木紋配上米白色，燈光柔和得嚟又有啲歐陸小店feel。
店入面播住輕輕嘅音樂，枱與枱之間嘅距離夠寬，啱晒一邊飲嘢一邊慢慢歎嘢食。店員都好有禮貌，介紹食物時語氣輕鬆有耐性，非常nice。
我哋嗌咗Sweet & Savory Tea Set，有煙三文魚牛角酥、蟹餅、開心果撻、蘋果金寶同奧地利朱古力蛋糕等等。煙三文魚牛角酥外層香脆、內裡柔軟，魚肉啖啖肉又鮮甜。蟹餅外層微脆，入面蟹肉新鮮夠Juicy；甜品部份最驚艷係開心果撻，好濃郁嘅堅果香味，配埋酥脆撻皮，層次豐富又唔膩。朱古力蛋糕入口幼滑，味道香濃。
Rose Latte，拉花勁靚，口感順滑，飲落好舒服。
Beetroot Soy Latte，紅菜紅豆奶Latte ，粉紅色打卡一流。
