🫰🏼呢間荃灣享和街嘅越南餐廳真係唔錯，食完令人一試難忘。入場嗰刻就聞到濃濃越南香料味，整體氛圍好有特色，裝修又正，感覺像去咗越南咁。餐牌選擇多樣，既有經典嘅牛肉粉、豬肉粉，仲有燒肉、春卷等小食，價錢都幾實惠，尤其係嗰碟58蚊嘅馬來叻沙豬扒湯河粉，份量幾大，味道又夠濃，肉質又多，香蕉味同泰國香料香氣融合得好自然，飲落好暖胃。
☝🏼舖頭有二人套餐都係二百幾蚊包咗三款湯麵飯小食同再加兩杯嘢飲，超抵優惠！夜市仲有好多選擇，份量大碟之外，價錢亦都唔貴，行開附近想食越南嘢可以去呢一間享和街小越廚！
🐷原塊燒豬頸肉
真係原塊燒豬頸肉勁大塊份量，燒到面頭好香亦落咗好多醃粉令到更加入味，再配埋越式酸汁更加開胃
🍜馬來叻沙豬扒湯河粉
估唔到非常入味，係另類一種越南嘅醃製方法，豬扒亦都好腍，非常推介喇沙湯河，咖喱味椰汁重嘅喇沙湯底真係要一試
🐔燒雞扒煎蛋撈檬
雞扒入味加埋煎蛋係一個非常好嘅配搭，我最鍾意食係越南撈檬，呢個檬粉份量非常多，但配菜唔係太多，但依然好食，記得撈勻啲魚露啊
🥤凍咖啡
比較偏苦越南咖啡，因為冇落糖冇落奶，所以味道比較偏苦㗎！
🥯肉鬆法包
呢個真係要食，因為佢個髮包非常之脆，入邊嘅餡係一啲絞碎咗個豬肉搽咗落個包皮，入晒味嘅豬肉令嗰包非常之好食，再配埋酸甜醃製嘅蘿蔔絲椰菜非常清新爽口
