今次叫咗個二人餐，揀咗最出名嘅唐老鴨湯底，好足料，有大大舊鴨脾同素翅，個湯飲落有住家靚湯feel，好鮮甜滋補，啲鴨肉燉到好淋，老闆仲好貼心幫我地拆肉，仲有同紅棗，推介!
二人餐主食包括一碟手切牛同二人海鮮拼盤，牛肉片雪花紋幾靚，油脂唔算多，偏瘦，牛味重，食落都幾嫩，海鮮就有鮑魚、蝦、蜆、帆立貝同蠔，啲海鮮全部都好新鮮，尤其係蝦同蜆，肉質鮮嫩彈牙，味道鮮甜
三寶丸擺盤好靚，包括有牛丸、蝦丸同墨丸，口感彈牙，調味啱啱好 仲有兩款餃子，韭菜同蟹肉，皮薄餡靚，紥實大粒，好味
響鈴口感鬆脆，菜籃有幾款，生菜、娃娃菜、油麥菜同好甜嘅粟米，好味
另外仲有一份麵食，有公仔麵同烏冬，烏冬煙韌索晒個湯底好正，飲品就揀咗罐裝汽水，另外仲有棷汁雪燕糖水做甜品，不過太飽食唔落，下次有機會再試
_
🍽味道指數:★★★★★
📷環境指數:★★★★☆
🛎服務指數:★★★★★
💰抵食指數:★★★★☆
😋推薦指數:★★★★★
📍唐坊火鍋私房菜
2
5
