Y Pasta

今次行過好運中心，搵到呢間樓上嘅 Y Pasta 食個lunch。套餐包咗前菜湯、主菜同飲品，不過味道就見仁見智喇～🥣 香濃野菌湯呢個湯就真係唔錯，熱辣辣入口，菇香出晒嚟，唔會過鹹，質地夠滑，幾有驚喜。🍝 香辣蕃茄乾慢煮雞肉天使麵主角就比較失色，雖然麵條煮得唔會過腍，但成碟偏油，食到底有層油浸底。雞肉份量少得可憐，咬落唔算特別嫩滑。香辣味就有少少，但唔算好突出，味道偏單調。🍹 柚子蜜飲品叫咗柚子蜜，有啲淡，唔太甜，柚子味幾清新。如果你唔介意成碟偏油，又唔係太著重肉量，可能會覺得ok。但整體黎講性價比就一般。