誠記

营业中

休息中

📍誠記西環堅尼地城士美非路12K號士美非路市政大廈2樓熟食中心行開堅尼地城，食吓出名嘅誠記。佢係香港沙爹牛肉麵關注組嘅寵兒～沙嗲牛肉煎蛋公仔麵 $35｜煎雙蛋好正！一篤爆佢就好多蛋黃汁漏出嚟～牛肉唔係用鬆肉粉醃，有啲爽口，唔錯。冇得轉一丁，只係普通公仔麵，但係麵質煮得夠硬身，唔會腍擗擗，唔錯唔錯！沙嗲唔係一擗沙嗲醬，而係一煲沙嗲湯，幾稀但好濃味。我個人唔重口味，會覺得太鹹，嗌咗杯凍華田（$18）都解唔到口渴。法蘭西多士 $18｜多士係舊式麵包舖嘅味道，覺得有啲奇怪，但形容唔出，唔知係過分發酵嘅味道定係油饐味。口感有啲腍、外皮完全唔脆，唔明點解咁多人推介呢間嘅西多。