貳號冰室 (怡東商場)

营业中

休息中

每朝經過都見到好多人排隊買早餐🍞今朝時間比較充裕，所以就同朋友入去食一個早餐先返工。冰室設計新穎，採用明亮色調，光光猛猛。卡位闊落，坐得舒服。🐮沙嗲牛肉麵配炒蛋，牛油餐包及熱奶茶（$39）每次去到一間未食過嘅茶餐廳，我都必定會點沙嗲牛肉公仔麵嚟試吓。沙嗲牛肉麵嘅好好與壞，就會斷定我下次會唔會再返轉頭幫襯。貳號冰室嘅沙嗲味濃，兼有少許花生粒感，牛肉無筋，公仔麵爽口，三樣重要原素有齊，合晒我心意😋 奶茶奶味足夠，略嫌茶味比較淡。🍜雪菜肉絲米粉配煎雙蛋，牛油餐包及凍奶茶（$39，凍飲+$3）朋友將煎雙蛋改成炒蛋，炒蛋嘅蛋味濃郁，而且嫩滑。雪菜唔會過咸，肉絲亦柔軟，米粉稍為腍身。