炙・宴 (時代廣場)

营业中

休息中

餐廳喺時代廣場新開左一排，喺其他商場都有分店試過質素唔錯，但已經有一段時間冇食。餐廳主打燒豚肉丼．喺其他分店食過豚肉多汁，而且又好香嘅炙燒味。當日喺呢間分店食嘅豚肉比較乾身而且肉質偏硬，所以有少少失望。另外加咗日式炸雞，炸雞份量多，而且炸到乾身同肉汁仲保留喺雞肉裏邊，相對比起豚肉，呢個炸雞肉更加優勝。最後再加多個甜品，係比較少見嘅日式黑糖吉士泡芙。呢個泡芙嘅口感比較似中式笑口棗嘅口感，吉士醬細滑唔太甜味，算係合格。但同想像中嘅甜品有啲出入。