影片
更多
2023-06-03
204 浏览
家人聚餐都係食中菜啱佢地口味啲！ 佢哋揀咗佐敦嘅神燈海鮮酒家，已經唔係第一次嚟，食物有水準所以要encore~ 七點半入座已經見有八九成滿，好多捧場客。即燒乳豬細細隻，肥瘦均勻，脂肪唔多，外皮燒到脆卜卜，入口鬆化。食唔到有骨位，好似起咗骨添，夠貼心！蜜汁脆燒鱔切開咗一件件方便分享，肉質非常爽脆好新鮮，表面燒到微焦香脆，掛住蜜汁望落好吸引。每次必點嘅糯米炒膏蟹一大鍋，砂鍋盛載保持溫度。 好大隻嘅膏蟹，蟹肉同埋蟹蓋都有好多橙色嘅硬蟹膏，甘香美味，而且蟹肉嫩滑鮮甜，啱晒一家人分享。懷舊蝦多士老人家點嘅，話好耐無食😝。 每件多士上面有一隻大蝦，爽口彈牙，而且唔使拆殼又冇骨，大人細路老人家都啱食！燒乳鴿係真係乳鴿細細隻，肉唔算多，醃得幾入味，外皮香口，食得滋味。餐後店員送上甜品，桂花糕同奶凍，桂花味清香，甜而不膩。奶凍奶香味濃，炎炎夏日有一個冰凍甜品係好正！
即燒乳豬細細隻，肥瘦均勻，脂肪唔多，外皮燒到脆卜卜，入口鬆化。食唔到有骨位，好似起咗骨添，夠貼心！
蜜汁脆燒鱔切開咗一件件方便分享，肉質非常爽脆好新鮮，表面燒到微焦香脆，掛住蜜汁望落好吸引。
每次必點嘅糯米炒膏蟹一大鍋，砂鍋盛載保持溫度。 好大隻嘅膏蟹，蟹肉同埋蟹蓋都有好多橙色嘅硬蟹膏，甘香美味，而且蟹肉嫩滑鮮甜，啱晒一家人分享。
懷舊蝦多士老人家點嘅，話好耐無食😝。 每件多士上面有一隻大蝦，爽口彈牙，而且唔使拆殼又冇骨，大人細路老人家都啱食！
燒乳鴿係真係乳鴿細細隻，肉唔算多，醃得幾入味，外皮香口，食得滋味。
餐後店員送上甜品，桂花糕同奶凍，桂花味清香，甜而不膩。奶凍奶香味濃，炎炎夏日有一個冰凍甜品係好正！
张贴
