美心西餅

今日有個客上來office請我地食水果撻，工作到頭昏腦脹，食件撻抖一抖抖好。

水果撻就係水果加餅乾加忌廉，所以無什麼功夫，只要餅底夠乾身，夠脆，件撻就好好食。

今次我好彩，餅底仲係好脆，水果有士多啤梨、蜜桃、哈密瓜同奇異果，唯一要挑剔就係我罐頭蜜桃，不過我都明白，要控制成本，罐頭水果夠甜擺得夠耐都唔會變黑，顏色都鮮豔D。

上面係水果，中間係忌廉，忌廉打得幾好，清清地，好食！仲加左層白朱古力，應該防止水果水分滲入餅底，餅底脆而且密度高，味道唔錯。