影片
更多
2023-04-30
73 浏览
是日在深水埗覓食，打算試呢間出名阿華田流心西多。剛好過咗三點下午茶，跟餐送熱飲，叫咗杯凍檸茶+$3，茶底偏苦澀、味道濃郁。三餸車仔麵 $46 加底+$6餐廳規定至少叫3款餸，咁就叫咗牛腩、魚肉春卷、豬紅，配番薯粉。春卷普通，牛腩多筋，豬紅OK入味，叫咗中辣都唔係好辣，需要自己再加秘製蒜蓉辣椒醬，整體味道中規中矩。煎餃八隻 $42（雙拼加$3）車仔麵普通，反而煎餃出色、有驚喜。難怪眼見唔少枱都嗌咗。韭菜豬肉餃，非常多汁，炸得又脆，好味。至於芝士粟米餃，呢款係冇豬肉喺入面嘅🧐口感就爭啲，不過芝士味好香甜。阿華田流心西多士 $35去到重口戲西多，本來充滿期待，食完之後幾失望🙁流心效果幾澎湃嘅，但食落冇乜阿華田味，比花生醬味搶晒，好似食緊一嚿普通西多加啲阿華田粉沈喺面咁。總結煎餃係可以一試，其他就正正常常啦😌
三餸車仔麵 $46 加底+$6
餐廳規定至少叫3款餸，咁就叫咗牛腩、魚肉春卷、豬紅，配番薯粉。春卷普通，牛腩多筋，豬紅OK入味，叫咗中辣都唔係好辣，需要自己再加秘製蒜蓉辣椒醬，整體味道中規中矩。
煎餃八隻 $42（雙拼加$3）
車仔麵普通，反而煎餃出色、有驚喜。難怪眼見唔少枱都嗌咗。韭菜豬肉餃，非常多汁，炸得又脆，好味。至於芝士粟米餃，呢款係冇豬肉喺入面嘅🧐口感就爭啲，不過芝士味好香甜。
阿華田流心西多士 $35
去到重口戲西多，本來充滿期待，食完之後幾失望🙁流心效果幾澎湃嘅，但食落冇乜阿華田味，比花生醬味搶晒，好似食緊一嚿普通西多加啲阿華田粉沈喺面咁。
總結煎餃係可以一試，其他就正正常常啦😌
三餸車仔麵
14 浏览
0 赞好
0 留言
煎餃
3 浏览
0 赞好
0 留言
流心西多
3 浏览
0 赞好
0 留言
张贴
