影片
更多
2008-06-10
31 浏览
6月7日 晚 上個禮拜先去完美麗華既分店... 覺得非常唔錯因為睇過某d食家既食評...話總店既烹調方法唔同... 比分店更好味既說法於是今次就黎左總店度食 是晚橫風橫雨... 好彩幸福中心都唔算太難搵 一入到去... 就有如眾食家所說... "好大陣油煙味!!!"然而.. 店內既擺設同埋裝修同分店好唔同比分店更具日本小店風味 店入面既角落位置擺左一部電視播緊既係 阿曼 對 日本 呢場世界盃外圍賽 (日文評述) ... 打左半場坐我地後面既3個日本大叔睇得好投入 (以我所知.. 呢場應該係錄播黎~~~ :=| )睇睇個Menu... 同新店個個好似完全唔同...anyway... 大部份新店有既野佢都有既... 係無左我地上次食個個什錦豬骨湯拉面 於是... 今次就叫左 長崎拉麵 ... 迷你拉麵... 2串冬菇 & 芝士獅子狗卷芝士獅子狗卷... 有8件呀~...黎之前我以為佢會係好似金菇肥牛卷咁既賣相 xdd黎到... 原來係有塊紫菜包住層芝士同埋獅子狗... 中間仲zip左塊青瓜係度~~一試... 口感好得意~~~ 芝士好香口~~~... anyway... 淺嘗無妨...
上個禮拜先去完美麗華既分店... 覺得非常唔錯
因為睇過某d食家既食評...
話總店既烹調方法唔同... 比分店更好味既說法
於是今次就黎左總店度食
是晚橫風橫雨... 好彩幸福中心都唔算太難搵
一入到去... 就有如眾食家所說... "好大陣油煙味!!!"
然而.. 店內既擺設同埋裝修同分店好唔同
比分店更具日本小店風味
店入面既角落位置擺左一部電視
播緊既係 阿曼 對 日本 呢場世界盃外圍賽 (日文評述) ... 打左半場
坐我地後面既3個日本大叔睇得好投入 (以我所知.. 呢場應該係錄播黎~~~ :=| )
睇睇個Menu... 同新店個個好似完全唔同...
anyway... 大部份新店有既野佢都有既...
係無左我地上次食個個什錦豬骨湯拉面
於是... 今次就叫左 長崎拉麵 ... 迷你拉麵... 2串冬菇 & 芝士獅子狗卷
芝士獅子狗卷... 有8件呀~...
黎之前我以為佢會係好似金菇肥牛卷咁既賣相 xdd
黎到... 原來係有塊紫菜包住層芝士同埋獅子狗... 中間仲zip左塊青瓜係度~~
一試... 口感好得意~~~ 芝士好香口~~~...
anyway... 淺嘗無妨... 試得多就好滯的鳥~~
2串冬菇... 上次係分店食... 覺得有點太咸...
呢度既味tune得剛剛好... 正
女友既迷你拉麵... 真係好迷你
得一塊紫菜同埋2塊叉燒... 嘿嘿
同埋...佢個拉麵既麵身好似無咁滑咁既... ?_?
不過都尚算好味的... ~~~ 個醬油湯底都好美味呢~~~
(又係要淺嘗... 飲得多會口渴的... )
我的長崎拉麵... 賣相就認真麻麻...
好雜亂... 好似打完仗咁既.............................
食落... 又幾好味喎...
個奶白色既豬骨湯底好濃好甜
d拉麵仲一如以往的幼滑彈牙
仲有好多其他既肉料....... 完全估唔到佢咁大碗 -___-""...
最後我都係食唔晒的...... (女友搶晒我個碗d椰菜黎食... 佢話好好食... )
臨尾我地仲叫左杯益力多橙汁黎飲~
個人覺得好苦... 女友又話
"一d都唔苦喎... 好好飲喎..."
... omg...
總結: 我地認為...
分店同總店一樣好食
不過呢間等位應該唔使等咁耐... 哈哈
坐我地後面既3個日本大叔...
仲係一面飲酒... 一面全神貫注咁睇住場波
( 最終完場... 阿曼1:0日本 )
踢得好... 佢地會拍手會歡呼...
輸左波... 佢地會同d球員一齊抱頭.......
完左場... 一樣會拍手鼓勵d球員
( 佢地真係好似當左自己係現場咁架 xd )
香港球迷... 幾時先會有呢種Passion...?
张贴
