影片
更多
2019-06-05
1180 浏览
用餐日期 : 5 月19日 母親節鬼灯大人第一篇食評, 估唔到係負評.首先, 食自助餐要分時段已經不夠痛快, 其次係第二輪要, 食物唔會夠第一輪新鮮, 呢個係我個人感受.入正題, 一入去還境OK, 樓底夠高, 但地方不大, 可以話有點兒細, 不論係放食物既地方還係可以座既地方, 都係一個字, 細~~ 可想而知食物種類不會多. 坐底後見倒D餐具, 以為自己去咗茶餐廳 @.@餐具有無限污積, 酒店出品.食物方便, 唔知係因為節日問題, 還是餐廳食物質素一向如是, 當日差點唔夠飽.當日有2款即開生蠔, 不過非常細隻瘦削, 不過自助餐, 都不能要求太高, 呢點鬼灯係明既, 但佢既質素真係麻麻, 有點咸味, 有點乾身. 冷盤仲有松葉蟹腳, 呢樣食物好似變咗自助餐基本要求咁, 只係大隻與細隻之分, 呢間餐廳係細腳, 味道正常, 不會過咸.冷盤還有凍螺, 青口及龍蝦仔, 第一次係酒店食龍蝦仔係一襟就扁咗, 係, 無錯, 係成隻扁咗淋既, 初時食第一隻時以為唔好彩有一隻唔夠新鮮, 但食第二, 第三隻時..... 都係鬼灯唔好彩吧~~龍蝦仔都可以咁淋?? 內質就梗加不用說之後食咗少少沙律, 正常,
鬼灯大人第一篇食評, 估唔到係負評.
首先, 食自助餐要分時段已經不夠痛快, 其次係第二輪要, 食物唔會夠第一輪新鮮, 呢個係我個人感受.
入正題, 一入去還境OK, 樓底夠高, 但地方不大, 可以話有點兒細, 不論係放食物既地方還係可以座既地方, 都係一個字, 細~~ 可想而知食物種類不會多. 坐底後見倒D餐具, 以為自己去咗茶餐廳 @.@
餐具有無限污積, 酒店出品.食物方便, 唔知係因為節日問題, 還是餐廳食物質素一向如是, 當日差點唔夠飽.
當日有2款即開生蠔, 不過非常細隻瘦削, 不過自助餐, 都不能要求太高, 呢點鬼灯係明既, 但佢既質素真係麻麻, 有點咸味, 有點乾身.
冷盤仲有松葉蟹腳, 呢樣食物好似變咗自助餐基本要求咁, 只係大隻與細隻之分, 呢間餐廳係細腳, 味道正常, 不會過咸.
冷盤還有凍螺, 青口及龍蝦仔, 第一次係酒店食龍蝦仔係一襟就扁咗, 係, 無錯, 係成隻扁咗淋既, 初時食第一隻時以為唔好彩有一隻唔夠新鮮, 但食第二, 第三隻時..... 都係鬼灯唔好彩吧~~
龍蝦仔都可以咁淋?? 內質就梗加不用說之後食咗少少沙律, 正常, 新鮮既, 不過如沙律菜都唔新鮮, 咁呢間仲係酒店餐廳??
主菜之一, 係開邊焗龍蝦, 如果係用假牙既老友記, 建議唔好嘗試, 因為鬼灯本人都唔夠牙力, 最終放棄, 敬請留意.
非常硬, 咬唔開.
另一主菜(我諗係主菜之一), 香煎鴨肝, 呢樣菜式要排隊好正常, 但當排到時又係嚇一跳, 係因為見倒個份量, 真係嚇親, 而家一件鴨肝, 成本唔使太高, 因為大家都知, 唔會係由法國入貨喇, 中國大陸有供應, 當成本唔算高既時候都只係每次一人只配給呢個份量, 真係大氣~~~
一件鴨肝, 一件開三件, 每人每次只可取一件.冷盤主菜都不值再嘗一遍, 轉食熱葷, 羊架OK, 係全晚最好食既食物, 另有意粉, 雞, 印度咖喱, 即製湯粉, 有叻沙湯底, 湯底看似濃郁, 但食落只有淡淡椰味, 叻沙應有既香料味係食唔倒, 可能鬼灯味覺已退化...
另一經典菜式, 龍蝦湯, 本人非常鍾意, 看似濃郁, 飲落都真係非常濃, 濃濃既燶味, 味道搶喉, 飲咗一啖, 都唔想再嘗第二啖. 之前係灣仔一間五星酒店自助餐飲過龍蝦湯, 令人回味, 嗰種濃郁味並不是這種燶味.
不能渴第二啖的龍蝦湯唉~~ 轉戰甜品吧, 當晚係希臘主題, 有一款乳酪甜品, 係是日甜品內最好食. 其他款式, 一般吧, 款式亦不多, 雪糕係MOV, 質素當然有保證, 味道亦有6款可選擇, OK 啦~~~
要特別一題, 有一個榴槤蛋糕, 以為全個都係榴槤, 原來只是我太天真, 除咗上邊嗰2堆榴槤醬外, 入邊並沒有榴槤味, 講沒有榴槤味, 係因為我唔知大廚有無加到榴槤醬在內, 不能一下就講無加入榴槤做蛋糕餡, 只係食唔出有榴槤味道.
左邊嗰舊係榴槤pancake, 見倒size 都諗倒入邊既榴槤醬不會多, 無錯, 係榴槤醬, 不是榴槤肉.
雪糕都食埋, 都係是日晚餐完結既時候, 總結 : 如果想減肥又想食自助餐既, 呢間唔錯, 但如果係一個有少少要求既人, 請考量一吓.
鬼灯中伏指數 : 5粒星星
张贴
