淘園火鍋館

营业中

休息中

呢間火鍋店係我嘅至愛之一，係一次朋友聚會既時候發現它。果次我哋都係打大眼雞蕃茄濃湯鍋底。誰知道一試便愛上，已經成為貴店既常客。已經有兩個月沒有過來，一入到去伙記都很親切招呼。一坐低就即刻嚟咗個涼拌木耳比我地做開胃菜，之前係冇架。雖然係伴菜，但佢地個木耳夠凍又入味，我地食左兩碟！哈當然係叫我至愛嘅大眼雞蕃茄濃湯鍋底($168)，今日嘅大眼雞唔算好大條，所以老闆俾咗兩條落去一開始嘅時候已經飲咗兩碗湯，好鮮味。之後一路落野食一路滾佢，啲薯仔都開始出味。滾左半個鐘再飲啖湯已經好好味！我哋叫阿姐唔好加湯住，要成煲入晒先加。好瘋狂！我哋仲叫咗水餃($58), 黑柏葉($58), 貢丸($39)同埋唐山菜($29)水餃肥肥白白有豬肉鮮蝦，彈牙新鮮黑柏葉爽口貢丸都ok, 大粒本身叫咗油麥菜，不過上到黎好多泥....結果換咗唐山菜。呢度係美中不足嘅地方，希望下次啲菜可以洗下佢先上碟。