花漾 (已結業)

嚟Time Square揀完聖誕禮物，順便醫下肚。見呢間餐廳裝潢好舒適，午餐價錢好經濟，一於試下...見好多人食緊「花漾海南雞飯」雞肉好嫩滑，最鍾意一條骨都無...啖啖肉，加碗油香嘅飯，仲有配熱辣辣嘅魚蛋湯，簡直超完美嘅配搭「吉羅什錦咖哩麵」食得到辣嘅...呢個真係要試，香濃又惹味嘅咖哩湯底，除咗麵之外仲有索哂湯底精華嘅粉絲，海鮮配料夠份量。「街頭雞肉串燒」每串雞肉都又厚又大件，沾上辣汁一樣好味「美祿哥斯拉」面層舖滿嘅恐龍蛋，係朱古力脆脆，大人小朋友都一樣喜愛，仲有其他菜式同特飲都好吸引，下次必定再試。