老川皇

营业中

休息中

是日係旺角迷路了。 又肚餓又焗, 到左2點幾都未搵到路, 所以就同媽媽事但搵間餐廳, 點知有驚喜。媽媽鍾意食中菜, 但唔食辣, 侍應話好多菜式都唔辣同可以揀辣度。 我地一於試下酸菜豬肚: 由於勁肚餓所以叫左小菜份量而唔係55蚊既飯餐, 我覺得豬肚再多d就好喇。 點知阿媽話我唔識野, 個酸菜先係主角, 咁煮個豬肚先最入味。 個酸菜酸味好重好酸果種, 但令你想食完又食。 我地居然清哂。 炸餃子: 我地揀左白菜味。 阿媽話個皮真係好薄, 個餡好多好靚。 我食落都覺得個餡仲有少少濕得黎個皮好脆wor. 川味涼麵: 我本物想叫酸辣粉, 阿媽話平時都有得食, 叫d特別d既。 我都覺得好有道理, 個涼麵又唔係辣wor,加左麻醬好有風味。 咁我肚餓食涼麵唔駛等佢凍都幾好。涼拌肺片: 超正既一個菜, 雖然叫左小辣但呢個菜比其餘既明顯辣d, 總之佢果種味真係好正宗, 同食開既廣東菜感覺完全唔同。 我最鍾意呢個菜。menu上好多菜我都想食。 真係好難揀。