其實之前都嚟過兩次，但今次真係少人咗，得我哋兩檯客。一坐低好貼心已經有口罩套提供，仲要係膠嘅，即係之後都可以重用。
南海小廚主打順德菜，做法都好正宗，仲有啲廣式點心，都非常精緻，是但揀幾樣點心都好正，當然仲有好多小菜都好好食啦，好似鮑汁撈粗、XO醬魚膘田雞煲等等。
山竹陳皮牛肉球 (5/5)
可能混得太多豬肉，通常啲酒樓牛肉球一咬落去會散散哋。但南海呢度就相反，咬落去實啲，牛肉味都重啲。
均安煎魚餅 (5/5)
煎到兩面少少金黃，一上檯已經好香，就算好多標榜食順德菜嘅餐廳都未必有得食，佐酒小菜嚟講都算一流。
瑤柱燒賣 (5/5)
好好食😋，咬落去煙韌彈牙。加埋瑤柱落去個質感都正啲，啲豬油香食到舔舔脷。
蝦春卷 (5/5)
炸得啱啱好，非常香口，入面粒蝦仔嚼勁十足，外脆內軟好鬼正
芋角 (4/5)
外層好酥脆，入面又好軟滑，芋泥都好夠粉，食落有少少汁滲出嚟，但又完全唔油膩
1
叉燒包 (4/5)
正常叉燒包啦，又唔會話有咩特別唔同，但都好食嘅
