新羅寶韓國餐廳

营业中

休息中

一行八人，有老人家有小朋友，今次試下食正宗嘅韓國菜，選擇喺尖沙咀美麗華廣場，交通方便。安排位置之後，奉上茶便送上幾款韓式前菜：菠菜、芽菜、牛蒡、西芹、泡菜都有兩款，好喜歡韓式泡菜嘅麻油香味，部分嘅前菜可以添食。點了幾款烤肉，先來特級牛排骨，長長牛肉卷狀，最尾連着一件牛骨，店員細心幫忙烤肉，差多熟的時候便剪開一小塊一小塊，放上碟，一口一件，肉質鮮嫩多汁，個個爭住吃。牛腩肉~ 一塊塊薄薄的，烤好的時候有點像肥牛，好淋好香。無骨豬排肉~ 店員幫忙烤肉，差不多熟的時候剪開一塊塊，熟嘅程度啱啱好，一啲都唔韌。雞肉~ 這個要慢火燒，否則好快會燶，肉質嫩滑。鮮蠔煎餅~ 唔係潮州嗰款煎蠔餅，呢隻唔會好多蛋，加咗粉漿煎，都好好食。海鮮刀削麵~ 麵質爽口，湯有香濃海鮮味，材料包括：蜆、青口、魷魚、蔬菜等等。牛尾骨湯飯~ 牛尾骨煲得勁淋，湯雪白色，牛骨湯香濃，加少少鹽更覺鮮味。