影片
更多
2023-03-01
565 浏览
新羅寶韓國餐廳 Sorabol Korean Restaurant 📍尖沙咀彌敦道132號美麗華廣場一期食四方4樓403號舖有一次去美麗華廣場發現有一層叫食四方，雲集各式各樣嘅餐廳，每間餐廳我哋都有喺門口睇吓餐牌，研究吓有咩好食。嚟到呢間新羅寶韓國餐廳出邊，見到佢大大本嘅Menu上面有個米芝蓮公仔圖案，都知佢來頭唔細，原來係一間老字號嘅正宗韓國菜。今次難得又出嚟尖沙咀食晚餐，當然要試吓呢間bookmark咗好耐嘅新羅寶啦！ 💰$110軟滑豆腐煲 🍲呢個軟滑豆腐煲看似平平無奇，鮮紅色嘅湯底睇落就似一般嘅韓式鍋物咁，但佢嘅豆腐非常柔滑，湯底異常先甜，微辣加上鮮蝦同大蔥嘅香味，勁鮮勁好食！食到落底，發現有一隻蛋，裏面嘅蛋黃仲係半流心，勁surprise ！我同朋友都覺得呢個豆腐煲係全餐最正嘅，佢跟一碗白飯，啲米粒粒圓碌碌，滲湯一齊食真係正到爆！ 💰$125甜酸豬肉 🐖我哋以為呢款甜酸豬肉係好似咕嚕肉嘅菜式，點知佢嘅醬汁係淺黃色，亦無港式嘅甜酸醬咁酸。豬肉粒嘅數量都好多，酥脆嘅表皮佔上少量嘅甜酸醬嚟食，食到我哋一口接一口！如果要我形容，佢嘅整體口感同味道有少少似麥樂雞，但就係豬肉嘅版本！呢個小
📍尖沙咀彌敦道132號美麗華廣場一期食四方4樓403號舖
有一次去美麗華廣場發現有一層叫食四方，雲集各式各樣嘅餐廳，每間餐廳我哋都有喺門口睇吓餐牌，研究吓有咩好食。嚟到呢間新羅寶韓國餐廳出邊，見到佢大大本嘅Menu上面有個米芝蓮公仔圖案，都知佢來頭唔細，原來係一間老字號嘅正宗韓國菜。今次難得又出嚟尖沙咀食晚餐，當然要試吓呢間bookmark咗好耐嘅新羅寶啦！
[價錢 Price]
💰$110
軟滑豆腐煲 🍲
呢個軟滑豆腐煲看似平平無奇，鮮紅色嘅湯底睇落就似一般嘅韓式鍋物咁，但佢嘅豆腐非常柔滑，湯底異常先甜，微辣加上鮮蝦同大蔥嘅香味，勁鮮勁好食！食到落底，發現有一隻蛋，裏面嘅蛋黃仲係半流心，勁surprise ！我同朋友都覺得呢個豆腐煲係全餐最正嘅，佢跟一碗白飯，啲米粒粒圓碌碌，滲湯一齊食真係正到爆！
[價錢 Price]
💰$125
甜酸豬肉 🐖
我哋以為呢款甜酸豬肉係好似咕嚕肉嘅菜式，點知佢嘅醬汁係淺黃色，亦無港式嘅甜酸醬咁酸。豬肉粒嘅數量都好多，酥脆嘅表皮佔上少量嘅甜酸醬嚟食，食到我哋一口接一口！如果要我形容，佢嘅整體口感同味道有少少似麥樂雞，但就係豬肉嘅版本！呢個小菜就算唔配飯食一樣咁好味，好適合想食韓國菜，但又唔食都辣嘅朋友！
[價錢 Price]
💰$220
人參雞湯 🐓🍲
我哋叫咗呢個人蔘雞湯做主食，佢真係有成隻雞喺入邊，雞肉非常嫩滑，點埋隨鍋上枱嘅鹽嚟食，雞嘅鮮味爆晒出嚟！佢嘅糯米唔算多，但煮得好綿好入味，人蔘都煮到可以輕易咬開，仲有幾片紅棗作點做，食完真係覺得好有養生嘅感覺！呢個人蔘雞湯偏清淡，上枱嘅時候係滾住咁上，所以即使食到尾段都唔會話凍曬唔好食，大家一定要試吓！
題外話，雖然我哋唔係會員，但見到餐廳為慶祝30週年，搞左個Sorabol Anniversary幸運大抽獎活動，啲獎品睇到我哋都好想參加抽獎啊，所以如果你係會員就記得要趁呢個時間去食啦！
张贴
