釜山商會

經過尖沙咀見到呢間幾大嘅韓國食店，原來係食釜山菜，韓國菜都食得多，釜山菜都係第1次食，見到都幾多特色食物，所以入去試吓。未叫野之前，有6小碟前菜，每樣嘅味道係好正宗嘅韓國味道。今日想食鍋物，我地就叫咗釜山商會‘‘章牛蝦’’燉鍋，呢個鍋份量都幾多，可以足夠3個人食，辣辣地嘅湯底，個味道好濃郁，同好鮮味，因為有原隻章魚，蝦同肥牛一齊煮，章魚同大蝦食落都好爽口彈牙，好新鮮，而肥牛唔會太肥，好重牛味，一d都唔柴，連埋個湯一齊食，好暖胃，個湯食到最尾味道最濃，好飲。食完之後，店員話like 社交平台post,就可以有免費情人鎮，可以掛喺店內，都幾浪漫