影片
更多
2022-10-19
786 浏览
今日同朋友黎到尖沙咀食韓國菜，不過今次我地就無去韓國街，而係黎到位於寶勒巷既哩間韓國菜餐廳。餐廳環境走木系簡約風，牆身用左充滿古風既屏風設計，而座位亦闊落舒適。餐廳由韓國人主理，餐牌上面好多選擇，而且食物味道亦相當正宗。🔺韓式前菜每次食韓國菜都超期待前菜部分，哩間韓國餐廳既前菜相當豐富，有成八碟，包括泡菜、芽菜、菠菜、醃土豆、魚糕片、涼拌茄子、小魚乾及醃翠玉瓜，非常開胃～🦀️醬油蟹 $250/1隻 +紫菜飯加$10哩到既醬油蟹大大隻，一隻已經夠兩個人share，而且蟹肉上面滿佈鮮甜既蟹膏，蟹蓋上面既蟹膏更多，記得刮埋蟹蓋旁邊既出嚟！而蟹肉味道清甜，點埋底下既醬油撈飯真係勁正💕加$10有大大兜紫菜同飯，加大量紫菜撈飯連埋啲蟹肉蟹膏一齊食真係一流，好食推介👍🏻🥩調味牛肋骨（韓式長切法） $360店員會先比原條牛肋骨我地睇一睇，之後再幫我地剪開啲肉，牛肋骨已經輕輕燒製過，所以我地只係再燒多一陣就食得～估唔到哩到既牛肋骨都好好食，肉質軟腍，牛味濃郁，而且完全無筋，亦係好食推介👍🏻🍲牛肉豆腐鍋 $120豆腐鍋熱辣辣，入面有大量豆腐、翠玉瓜及牛肉碎，用黎送飯亦係一流～整體黎講，餐廳環境闊落舒適，食物
餐廳由韓國人主理，餐牌上面好多選擇，而且食物味道亦相當正宗。
🔺韓式前菜
每次食韓國菜都超期待前菜部分，哩間韓國餐廳既前菜相當豐富，有成八碟，包括泡菜、芽菜、菠菜、醃土豆、魚糕片、涼拌茄子、小魚乾及醃翠玉瓜，非常開胃～
🦀️醬油蟹 $250/1隻 +紫菜飯加$10
哩到既醬油蟹大大隻，一隻已經夠兩個人share，而且蟹肉上面滿佈鮮甜既蟹膏，蟹蓋上面既蟹膏更多，記得刮埋蟹蓋旁邊既出嚟！而蟹肉味道清甜，點埋底下既醬油撈飯真係勁正💕加$10有大大兜紫菜同飯，加大量紫菜撈飯連埋啲蟹肉蟹膏一齊食真係一流，好食推介👍🏻
🥩調味牛肋骨（韓式長切法） $360
店員會先比原條牛肋骨我地睇一睇，之後再幫我地剪開啲肉，牛肋骨已經輕輕燒製過，所以我地只係再燒多一陣就食得～估唔到哩到既牛肋骨都好好食，肉質軟腍，牛味濃郁，而且完全無筋，亦係好食推介👍🏻
🍲牛肉豆腐鍋 $120
豆腐鍋熱辣辣，入面有大量豆腐、翠玉瓜及牛肉碎，用黎送飯亦係一流～
整體黎講，餐廳環境闊落舒適，食物味道相當正宗，醬油蟹同烤肉都非常好食，鍾意食韓國菜既，都好推介一試。
张贴
