星嵐

营业中

休息中

今日經過唔係繁忙時段，見唔算多人，所以食咗個early dinner 。餐廳日本風格裝修，落地玻璃望住維多利亞公園，感覺好relax~!⭐️黃金黑豚豬扒pan 丼⭐️招牌菜式真係冇得輸，用左福岡吉列豬扒蛋嘅煮法，飯同滑蛋吉列豬扒分開上枱，可以食到原汁原味嘅吉列豬扒😍😍😍黑豚豬扒炸到金黃香脆，肉質肥美軟嫩，咬落夠juicy 。厚厚嘅吉列豬扒底有滑嘟嘟嘅半生熟洋蔥炒日本蛋，感覺自己飛咗一轉日本，CP值極高。👍👍👍⭐️星嵐肥牛咖喱湯烏冬⭐️日本嘅咖喱汁裏充斥着洋蔥同埋紅蘿蔔嘅香味，一啲都唔辣。上面放咗香蔥絲，份外加左一點香蔥嘅香氣。香濃嘅咖喱湯汁加上日本烏冬，日本烏冬口感爽滑，加上肥牛脂肪少，牛肉味濃，肉質鮮嫩而不油膩，柔軟可口。