辣宴

营业中

休息中

今日Duck哥🦆接完Duck嫂🦆放工後，順便去食個晚飯先返屋企😂。Duck嫂🦆鍾意食辣嘢🌶，於是於Duck哥🦆帶佢去一間平靚正，又個有得辣嘅🌶 - 辣宴。店舖面積非常大，裝修富有中國🇨🇳色彩，座位闊落舒適，食物選擇除咗湘川菜，仲有多款廣東菜可選😍。麻辣醬牛展 $78薄切牛展非常入味，口感爽口结實，牛肉味🐂香濃，加上花生粒🥜、青瓜🥒及麻辣醬，十分醒胃又惹味😋。椒鹽藕盒 $68爽脆嘅蓮藕片中間夾雜著鮮香嘅豬肉🐖及清甜馬蹄粒，上一層薄炸醬炸過後，香脆可口，加上椒鹽，更加惹味😍。蜜汁薯仔牛柳粒 $128牛柳粒🐂焦香肉嫩，肉味濃，薯仔粒🥔表面焦脆香甜，薯肉香口感粉糯。師傅煮出鑊氣👍，調味一流，加上原粒黑椒，香口惹味，好食到停唔到口🤤。鄉裏土扣肉 $108五花肉扣得軟爛入味，一口咬下，滑溜醇香，肥而不膩，充滿肉及油脂香味🤤，同時帶著梅菜嘅清香🥰，梅菜吸同樣吸收咗油香，混雜咗肉味嘅湯汁，特別鮮美，送飯一流。總括而言，食材好又煮得出色，食物份量勁多，店員服務勤快有禮，價錢大眾化，環境舒適，唔怪得咁多人去食啦。