蒲羅

营业中

休息中

今日黎到將軍澳行街，就約咪閨蜜去行街食飯，比我地發現左呢間餐廳，就入去試下啦，呢度服務員好熱情招待，好有歸屬感。首先我地叫左個小食咖吔多士配溫泉蛋，呢道既咖吔係必食既，真係好有驚喜，一大塊牛油配咖吔，麵包烘底，真係好好味，食到流曬口水，個溫泉蛋非常大粒，撈飯食一流。我個人十分喜愛。主食方便我就選左海南雞飯拼喇沙，一次過滿足三個願望，海南雞已去骨，啖啖肉再點咪啲醬汁一齊食特別野味，油飯又粒粒金香，非常有口感。喇沙又好好味，一次過試到唔同既口味，必食之選。閨蜜就選左蒲羅喇沙摻摻，麵底係米粉同油麵結合，口感一流，喇沙既味道非常正宗，食星馬泰野又使咩坐飛機先食到，呢道將軍澳就食到。飲品方面就選左凍薄荷班蘭冰，呢個沙冰十分冰涼止渴，唔算太甜好適合減緊肥既我。閨蜜就選左凍班蘭薏米水，煙煙韌韌，口感十足，而且味道都好好，閨蜜十分喜愛。