川聚緣

营业中

休息中

👩🏻一向好鐘意食川菜，但估唔到觀塘區都有咁正宗嘅川菜餐廳。我哋去食嗰晚成間餐廳full晒😌。✨四川回鍋肉 $88五花腩嘅豬油香加埋豆瓣醬、辣椒所帶嚟嘅濃郁香辣， 好有鑊氣，惹味到不得了。配白飯食一流。✨精品毛血旺 $148我哋揀咗小辣，底料辣度唔高但有陣陣花椒香。一盤有晒肥腸、黃喉、豬紅、牛柏葉、魷魚、午餐肉、豆芽、薯仔片。我鐘意佢特別多有咬口嘅餸。✨熗炒酸辣土豆絲 $68味道好濃好啱餸飯。醋酸味好出好開胃。大火猛炒過嘅薯仔絲口感爽脆，喺屋企係冇可能做到呢種口感。