影片
更多
2021-09-18
76 浏览
我自己就乜菜色都中意試嘅，近排心血來潮，想食下印度野，我就約埋同樣中意食唔同國家菜色嘅朋友去，佢就帶咗我去灣仔一間印度餐廳，話聼朋友講算係幾正宗，講真對我黎講好食當然重要，但最緊要都係要夠正宗，我都好期待。餐廳單睇個裝修都夠曬正宗，其實環境以印度餐廳黎講算係幾好，好多印度風格嘅裝飾，我最中意係個電視入面播住印度歌手嘅MV，都好潮下，拍得同唱得都高質，完全唔輸歐美D音樂作品。講翻野食，其實就咁睇個Menu真係樣樣都未見過，款色超多，好有新鮮感，亦都證明夠曬正宗。首先係個小食，印度脆博餅配3種醬，有時都佩服印度人，可以唸得出超多種嘅香料，呢3種醬真係各有特色，顔色都唔同，紅、綠、啡，準確我都唔知係咩味道，我只可以用我嘅味覺話比你聽分別似係酸甜、薄荷、黃豆，味道上差別都好大，所以用脆餅點黎食都幾得意。 跟住就到我一直超級想試嘅印度“波波”，應該算係印度比較出名嘅小食，平時上網睇就睇得多喇，見D印度人食得津津有味，我期望值非常高。食過之後真係完全無令我失望，個“波波”係個空心球體，外面係一層脆殼，食得出裏面混合有干豌豆、鷹嘴豆同薯仔，輕輕督穿個波，倒D汁入去，一啖擺曬落口，超級正，只可以用大滿
餐廳單睇個裝修都夠曬正宗，其實環境以印度餐廳黎講算係幾好，好多印度風格嘅裝飾，我最中意係個電視入面播住印度歌手嘅MV，都好潮下，拍得同唱得都高質，完全唔輸歐美D音樂作品。
講翻野食，其實就咁睇個Menu真係樣樣都未見過，款色超多，好有新鮮感，亦都證明夠曬正宗。首先係個小食，印度脆博餅配3種醬，有時都佩服印度人，可以唸得出超多種嘅香料，呢3種醬真係各有特色，顔色都唔同，紅、綠、啡，準確我都唔知係咩味道，我只可以用我嘅味覺話比你聽分別似係酸甜、薄荷、黃豆，味道上差別都好大，所以用脆餅點黎食都幾得意。
跟住就到我一直超級想試嘅印度“波波”，應該算係印度比較出名嘅小食，平時上網睇就睇得多喇，見D印度人食得津津有味，我期望值非常高。食過之後真係完全無令我失望，個“波波”係個空心球體，外面係一層脆殼，食得出裏面混合有干豌豆、鷹嘴豆同薯仔，輕輕督穿個波，倒D汁入去，一啖擺曬落口，超級正，只可以用大滿足黎形容，餐廳就配左兩款汁，分別係薄荷味同帶果味嘅，都各有特色，都令到成個“波波”味道更加複合，我自己就中意帶果味嘅汁，感覺更加清新舒服，終於明點解呢款小食會咁受歡迎喇，呢個可以話係我食過最好食嘅印度美食，超正，我估計我可以一次過食20個。
跟住就係烤鷄串同類似咖喱羊肉嘅食物，呢兩款都好有印度Feel，烤鷄應該用左好多檸檬汁去腌，味道係咸酸，有燒烤嘅獨有風味；印度菜真係犀利，就算咖喱都有好多種，呢個咖喱羊肉都係食得出用左好多香料去煮，但可惜我條舌頭無印度人咁靈敏，真係食唔出入面具體落左乜香料，總之就好好食啦，味道超級豐富，一直衝擊緊D味蕾。
最後就梗係試下個印度甜品，我完全未試過呢種味道，都唔知叫咩名，類似就糖椰子配上勾稀咗少少嘅煉奶，超級甜，都算係印度特色野。
總嘅黎講，呢間印度餐廳出品真係超級正宗，味道方面對我個人黎講都算好食，好有特色，真係可以唔洗飛到去印度都可以食到正宗印度菜，響香港有機會食到真係正。
2 浏览
0 赞好
0 留言
张贴
