隻腳一踏入重慶大廈個一秒就即刻有好多印度人衝出黎問你去邊/想帶路
你咩都唔洗理keep住話New Delhi New Delhi
一路直行到去最尾個個𨋢口上3樓就ok 都唔係想像中咁得人驚😂😂
餐廳裝修好充滿印度風情 藍藍既燈光好夢幻🔮
✿ 印度脆餅 Papadam ✿
一坐低就會見到枱上面有兩碗汁
正當你疑惑緊點d咩既時候 店員就送上印度脆餅
食落似冇味既薯片 汁方面一紅一白
紅既就係酸酸甜甜既辣汁
白既就係似檸檬汁乳酪 都幾開胃
✿ 香濃牛油鮮茄鑊仔烤雞 Butter Chicken $78 ✿
係唔辣既蕃茄醬配雞件🍅甘甘甜甜好開胃(⁎⁍̴̛ᴗ⁍̴̛⁎)
✿ 椰汁咖哩羊肉 Mutton Madras $82 ✿
另外叫左一款羊肉咖哩(*¯︶¯*) 羊肉軟冧冇騷味
✿ 蒜茸烤餅 Garlic Nan $25 ✿
一份有4塊 大大塊好飽肚
用黎蘸上面兩款蕃茄醬同咖哩真係好食到停唔到口🤤🤤
✿ 印度黃飯 Pulao Rice $25 ✿
雖然佢叫黃飯 但佢唔係黃色😂
係好長好長既飯粒(條?) 炒得好乾身
撈埋咖哩就岩岩好啦
✿ 印度炸洋蔥圈 Onion Ring (Bhaji) $36 ✿
上網見到好多人推薦食依個洋蔥圈
唔知係咪期望太大 我有d失望
粉多洋蔥少 唔知點解咁多人講好食🫠
✿ 士多啤梨乳酪 Strawberry Lassi $35 ✿
唔係好假既士多啤梨味 唔算好甜 推薦!👍🏻
好多人都覺得印度野好重口味唔岩口胃
不妨試下我今次order既菜式 比較易入口
Masala都係一個唔錯既選擇喔🥹
