聚點坊小廚

聚點坊一向幾受歡迎，今晚嚟到都坐滿晒，好彩店員做嘢快手，等咗一陣就入到座

蒸點好出色，餃同腸粉皮好滑，完全唔粉唔黐牙，爆餡，菜同蝦都滿滿

馬拉糕好驚喜，而家好少見呢種正宗同傳統嘅蔗糖馬拉糕，口感好面好滑

炸奶王包亦係另一驚喜之選，喺其他地方未食過，脆卜卜嘅口感，邪惡嘅流心，香氣十足

咸水角又脆又煙韌，餡料亦足

大大兜鳳爪排骨飯，蒸飯有陣排骨嘅香味，排骨口感軟腍

時菜又新鮮又乾淨

雪耳雪梨糖水好清甜解渴，啖啖都食到雪梨肉同雪耳，滋潤之選

7

3

點心選擇好多，款款都好吸引，小店座位擺得密少少，整體環境乾淨舒服，性價比唔錯