歡喜

营业中

休息中

個日去北角搵朋友食飯，見到呢間餐廳走懷舊風，環境唔錯，就入咗去食。我地點左二人分享餐，以及經典炸魚薯條同牛油果大蝦薄餅。經典炸魚薯條炸魚薯條火候控制得唔錯，炸得外脆內軟，兩樣嘢食落都係熱辣辣，薯條有加七味粉，仲有沙律醬以及茄汁任軍選擇。牛油果大蝦薄餅薄餅個底夠脆，表面蕃茄芝士醬同蝦都正常發揮，可惜牛油果好鹹。餐湯南瓜湯正常發揮，算香濃又唔會好咸。日式芝麻汁豆腐沙律沙律比想像中大份，蔬菜都好新鮮，厚切嘅豆腐好滑，配埋芝麻汁一齊食好開胃。美式厚切豬扒（蘋果醬）豬扒好厚切又大件，咬落去仲係好淋，肉質鮮嫩，配合蘋果醬食一流。蕃茄菠菜芝士雲吞菠菜芝士雲吞味道唔錯，可惜嘅係表面蕃茄汁有啲鹹。士多啤梨益力多奶昔飲落去唔會好甜，三樣嘢估唔到咁夾。青瓜青檸梳打呢杯飲品好清淡，青瓜味唔算好濃，比較似青檸梳打。甜品兩件蛋糕都唔會好甜，紐約芝士蛋糕芝士味濃又夠滑，藍莓乳酪慕絲蛋糕帶住藍莓清香，慕絲質感亦都夠軟身又唔會散，整體唔錯。整體而言，食物性價比算高，想食懷舊風餐廳嘅朋友可以去。