1
✔️湯底
從十一款湯底裏揀選兩款，最後拍板惹沙茶鍋和酒香麻油雞，一款鹹香味濃，另一款滋補溫潤，各有風味。
所有肉類、部份台式小食、甜品、飲品，可從QR code點選。
✔️肉類
澳洲M7牛胸腹、大米龍、250日穀飼牛肉、牛板腱，四種不同牛肉部位肥瘦不同，口感亦略有不同，但均是薄薄一片，快熟、易入口又吸湯。兩款豚肉都唔錯，軟軟腍腍。
✔️台式小食
紹興醉雞片、台灣香腸、榴槤炸彈、陳醋木耳、醃蘿蔔，每樣上枱都是少量，可以試多幾款，這些小食主要都是調味香濃，又具口感。
✔️飲品
呢度非常多款嘅台式飲品，亦係賣點之一。餐廳提供的台式飲品都是即叫即沖，包括多款口味配搭的紅茶、奶綠、冬瓜茶、水果茶、奶茶等等，無論你諗到或者諗唔到嘅手搖飲品都有提供！印象最深刻嘅係奶茶茶底夠厚夠香濃。
✔️甜品
甜品選擇真係花多眼亂、單看餐單上嘅圖片已經心心眼：多款味道窩夫配雪糕球、雪花冰、仙草凍、果凍、雪糕……真係令人選擇困難症發作！最後飽飽都要點咗個雲呢拿雪糕配迷你窩夫，窩夫蛋味幾重，上面腍咗焦糖味糖漿，令甜品更加甜蜜！每個顧客仲可以享有一客Movenpick朱古力雪糕或牛奶布丁、芝麻雪糕。
✔️自助區
餐廳近門口位置是各個自助區，幾個自助區係連接着的，顧客可以自行取用，包括：醬料自助區、火鍋配料自助區、菇菌蔬菜類自助區、炸物自助區等。火鍋配料自助區可以拎取龍蝦丸、牛丸、貢丸、魚片頭、春卷、獅子狗……更有台式米血糕。菇菌蔬菜類有差不多20種：生菜、菠菜、蘿蔔、萵筍、金針菇……餐廳仲有提供一些可口嘅炸物，例如炸魚皮、炸響鈴，即食嘅炸物有炸芝麻球、小蘇肉、地瓜球、春卷。亦有不同種類、牌子嘅麵食。
✔️台式飲品單點外賣自取區
餐廳有張單點手搖飲品list，口味多於火鍋套餐任飲的台式飲品。見到menu上芋泥布甸奶綠$44、小芋波波奶茶$42，貌似幾吸引。於是同朋友加錢另買兩杯帶走，見到實物已經覺得好大杯，用料亦確實充足，拎起沉甸甸。奶綠又清新花香和濃厚芋香，而小芋波波奶茶有雙重口感，亦不錯。
1
