影片
更多
2025-04-21
0 浏览
📍Green Orange 🔎上環永樂街50號昌盛大廈2樓-----一直都好鍾意上環呢一間西餐廳，環境私密有格調，由大學畢業幫襯到而家，有樓上西餐私房菜嘅感覺，成個氛圍好chill，適合情侶約會或者同閨蜜聚會。有一段時間冇食，見佢最近做緊一蚊生蠔優惠，就book位過嚟試下。生蠔飽滿大隻，濃郁海水味，很不錯。🍴Deluxe Dinner Set ：（原價$1188/兩位（未加一））（有包兩杯酒）*做緊優惠，詳情睇最底*#前菜：黑松露蟹肉多士，一上枱就聞到黑松露香。蟹肉新鮮creamy，配埋脆卜卜嘅多士，口感豐富，好開胃。巴馬火腿沙律有兩款唔同味道嘅巴馬火腿，層次分明，夾埋酸甜青蘋果，同爽脆青瓜，清新解膩。#湯品：海鮮湯濃郁鮮甜，質地不會過厚且飽膩，青口柔嫩，南瓜香氣亦重，不錯。#主菜：揀咗燒大蝦意粉同西班牙黑毛豬鞍。燒大蝦意粉嘅羽衣甘藍醬青香帶奶滑感，大蝦燒得啱啱好，蝦肉亦爽口多汁。西班牙黑毛豬鞍則豬肉軟嫩，油脂分布平均，特製醬汁提味不少。#甜品：焙茶燉蛋有濃濃焙茶香，不會太甜，焦糖層有脆卜卜口感亦加分不少。心太軟朱古力醬味濃郁，配埋雲呢拿雪糕，一冷一熱，味道唔錯，加$25追加都幾值ge
🔎上環永樂街50號昌盛大廈2樓
-----
一直都好鍾意上環呢一間西餐廳，環境私密有格調，由大學畢業幫襯到而家，有樓上西餐私房菜嘅感覺，成個氛圍好chill，適合情侶約會或者同閨蜜聚會。
有一段時間冇食，見佢最近做緊一蚊生蠔優惠，就book位過嚟試下。生蠔飽滿大隻，濃郁海水味，很不錯。
🍴Deluxe Dinner Set ：
（原價$1188/兩位（未加一））（有包兩杯酒）
*做緊優惠，詳情睇最底*
#前菜：
黑松露蟹肉多士，一上枱就聞到黑松露香。蟹肉新鮮creamy，配埋脆卜卜嘅多士，口感豐富，好開胃。巴馬火腿沙律有兩款唔同味道嘅巴馬火腿，層次分明，夾埋酸甜青蘋果，同爽脆青瓜，清新解膩。
#湯品：
海鮮湯濃郁鮮甜，質地不會過厚且飽膩，青口柔嫩，南瓜香氣亦重，不錯。
#主菜：
揀咗燒大蝦意粉同西班牙黑毛豬鞍。燒大蝦意粉嘅羽衣甘藍醬青香帶奶滑感，大蝦燒得啱啱好，蝦肉亦爽口多汁。西班牙黑毛豬鞍則豬肉軟嫩，油脂分布平均，特製醬汁提味不少。
#甜品：
焙茶燉蛋有濃濃焙茶香，不會太甜，焦糖層有脆卜卜口感亦加分不少。心太軟朱古力醬味濃郁，配埋雲呢拿雪糕，一冷一熱，味道唔錯，加$25追加都幾值ge。
🍽️優惠資訊（以下兩個優惠只可以二選一）
-二人套餐85折
-可以1港幣換購生蠔，點二人套餐或者單點主菜都得 （可以換每人up to 5隻）
🎏提提大家：餐廳有寫字畫碟甜品服務，生日或者紀念日幾有儀式感，打卡都靚 。
张贴
