Green Orange

今晚放工約了朋友食飯，就朋友係上環個邊，突然間就想起這裡，如果在附近返工這裡應該都會知道係邊，上環站A2出口轉右過一條馬路就到，十分方便！餐廳地方闊落，座位舒適，十分有氣氛，餐牌選擇多！今晚前菜點了意式軟殼蟹什菜沙律，新鮮爽口嘅什菜沙律上放上了炸得十分香脆可口嘅軟殼蟹 1隻，廚師已細心切件放便入口😊還加了是日餐湯，蕃茄湯，蕃茄味道濃郁，酸酸甜甜的味道十分開胃，加上香軟餐包，真係十分配合！主食就係法式西班牙黑毛豬鞍，配上自家制肉桂雜莓汁同香煎伴菜，完整厚身大大塊，外面煎得香口，切開入口肉質出奇柔軟，油潤甘香，肉嫩多汁，就自己喜歡厚切、薄切入口時口感都十分豐富，加埋自家制肉桂雜莓汁，味道更佳！加埋杯House 汽泡酒，香甜順口容易喝，邊品嘗美食邊享受一下這裡嘅氣氛，又係放鬆一下嘅選擇最後加埋個法式伯爵茶焦糖燉蛋，表面脆脆嘅焦糖配上白滑燉蛋而且仲要係伯爵紅茶味，入口唔會太甜又有茶香，讓人十分治癒滿足！