Go Dutch Cafe

营业中

休息中

登打士廣場成幢都好多嘢食，今日就揀咗一間Cafe！呢度係食西餐為主嘅，見佢執鞭呢都有好多board game，啱晒一班朋友過嚟玩。叫咗個黃金蝦鹹蛋碎意粉，鹹蛋黃味好濃，估唔到鹹蛋黃汁都可以做意粉，有幾特別，亦都唔會太咸。撈埋鹹蛋黃仲會食到少少碎，鍾意鹹蛋黃味嘅你一定唔可以錯過！另外就叫咗個自家製雞肉白汁長通粉，塊雞肉都好大塊，份量好足，表面亦都好香脆。呢款白汁食落去冇平時嗰啲咁膩，冇咁heavy。之後叫咗個芝士煙肉焗椰菜花，芝士比得好大方！而且仲可以瘋狂拉到絲。一向都好鍾意Cafe嘅嘢飲，選擇多之餘而且誠意十足。我自己本身就唔鍾意咖啡，但呢度都有好多非咖啡類嘅選擇。我就叫咗杯焦糖朱古力，上面仲有cream！而朋友就飲咗呢度嘅咖啡都覺得好唔錯。