⭐華都夫沙律
嘩，一嚟就咁大碟沙律，入面啲沙律菜好新鮮，西芹又爽脆，蘋果就酸酸甜甜咁，撈埋啲沙律醬，成件事好夾！上面仲有啲合桃碎，增加咗口感👍
⭐手指魚柳配薯條
手指魚柳炸到金黃色，外脆內軟，點埋茄汁正呀🤤，薯條就普通嘢，但都炸得夠脆，唔錯！
⭐BBQ 烤豬仔骨配薯菜
呢個晚餐跟埋羅宋湯同蒜茸包，仲有嘢飲，真係抵食！豬仔骨好大條，啲肉又嫩又入味，BBQ醬汁甜甜哋，好惹味👍，薯菜就正常水準啦。
⭐香烤原隻燒春雞配薯條
又係晚餐，一樣有湯有包有嘢飲！燒春雞原隻上，都幾大隻㗎！雞肉燒完都唔會好乾，仲keep到啲肉汁，幾好食😋
⭐法式焗田螺
跟餐加錢半價，抵到爛！田螺焗到熱辣辣，配埋啲薯蓉，好creamy好夠味，正到爆呀🤤！
