影片
更多
2022-01-11
90 浏览
樂富廣場最近進駐左唔少新食肆，呢間以新派豆乳為主題嘅「SOYmart by 豆乳狂人」就係其中一間。餐廳門面以木色系為主調，店內嘅設計好有特色，佈置新穎，配上一室米色同淺灰色嘅傢俱，裝潢清新雅致，令人感覺悠閒舒服。店內設有一幅非常吸睛嘅豆腐男孩 Ahsoy 牆，客人可以嚟影相打卡之餘，更可以學習到唔少豆乳嘅知識。先睇下餐牌，食物選擇都幾豐富，分好多個唔同嘅系列，當中包括有 7.6 特濃豆乳、豆乳茶、豆乳奶蓋、狂人豆花、三色芋圓等等，另外仲有鹹點與雪糕系列。今次我哋就點左吉列豬扒粢蛋飯 ($45)、鮮芋泥豆乳 ($32)、黑白芝麻豆腐花 ($28) 同 和風白玉 ($45)。睇下個粢飯幾足料，用糯米包住油炸鬼，炸菜、肉鬆、吉列豬扒同蛋。飯糰軟綿又帶點黏性，炸菜鹹香惹味，豬扒脆而不油，絕對係個完美嘅滋味黃金組合！至於呢款鮮芋泥豆乳，味道亦唔錯，豆乳採用非基因改造黃豆，每日新鮮於店舖內即製。芋泥滑順綿密、豆乳嘅味道較中式豆漿濃，入口香醇滑溜，盡是天然豆香。另外呢款黑白芝麻豆腐花亦係每日喺店內新鮮製作，冷熱皆有。豆腐花嫩滑順喉，面頭嘅芝麻糊稠度亦啱啱好，濃滑又唔會黏住嘴巴，入口帶滿滿嘅芝麻香。
樂富廣場最近進駐左唔少新食肆，呢間以新派豆乳為主題嘅「SOYmart by 豆乳狂人」就係其中一間。
餐廳門面以木色系為主調，店內嘅設計好有特色，佈置新穎，配上一室米色同淺灰色嘅傢俱，裝潢清新雅致，令人感覺悠閒舒服。
店內設有一幅非常吸睛嘅豆腐男孩 Ahsoy 牆，客人可以嚟影相打卡之餘，更可以學習到唔少豆乳嘅知識。
先睇下餐牌，食物選擇都幾豐富，分好多個唔同嘅系列，當中包括有 7.6 特濃豆乳、豆乳茶、豆乳奶蓋、狂人豆花、三色芋圓等等，另外仲有鹹點與雪糕系列。
今次我哋就點左吉列豬扒粢蛋飯 ($45)、鮮芋泥豆乳 ($32)、黑白芝麻豆腐花 ($28) 同 和風白玉 ($45)。
睇下個粢飯幾足料，用糯米包住油炸鬼，炸菜、肉鬆、吉列豬扒同蛋。飯糰軟綿又帶點黏性，炸菜鹹香惹味，豬扒脆而不油，絕對係個完美嘅滋味黃金組合！
至於呢款鮮芋泥豆乳，味道亦唔錯，豆乳採用非基因改造黃豆，每日新鮮於店舖內即製。芋泥滑順綿密、豆乳嘅味道較中式豆漿濃，入口香醇滑溜，盡是天然豆香。
另外呢款黑白芝麻豆腐花亦係每日喺店內新鮮製作，冷熱皆有。豆腐花嫩滑順喉，面頭嘅芝麻糊稠度亦啱啱好，濃滑又唔會黏住嘴巴，入口帶滿滿嘅芝麻香。
至於三色芋圓系列就揀左和風白玉，內有豆乳布丁、白玉、紅豆同芋圓。豆乳布丁滑嘟嘟、入口即溶。白玉係自家製，外表晶瑩剔透。紅豆大粒圓潤、而芋圓亦煙韌彈牙，食落好有口感。
张贴
