影片
更多
2018-02-19
2105 浏览
情人節book位食飯, 大多數情侶都離不開尖咀, 旺角, 銅鑼灣呢啲一線搵食地點。 我同熊先生就最鍾意遠離人群, 發掘好食好坐又貼地嘅餐廳架啦今日就嚟到呢間激近樂富地鐵站嘅Alfafa。情人節流流, 夜晚8點幾黎到, 竟然都唔使等位男人們, 下次大時大節唔記得卜位可以諗諗樂富啦。節日只有套餐, 冇得散嗌。我地就叫左法國燒春雞 & 澳洲穀飼牛頭盤有磨菇忌廉湯 & 煙三文魚意式沙律。個湯充滿磨菇粒, 夠曬濃郁。沙律菜亦都好新鮮。香草烤原隻法國春雞 烤雞面頭燶燶地, 用鐵盤上, 加上香草同配菜, 賣相已經唔錯, 一切開真係不得了!!! 啲雞汁同雞油流曬出嚟好有衝動想叫多個麵包點埋啲肉汁嚟食澳洲穀飼牛牛排好厚身, 叫Medium(五成熟)就啱啱好切落中間重見到粉紅肉質, 食落軟嫩多汁壓軸甜品雪糕杯啱曬我口味, 雲呢拿雪糕配埋下面嘅Brownie, 係我最鍾意嘅配搭之一節日套餐係比平時貴啲架啦, 但埋單加埋一都係$500多DD, 食水唔算深。平日黎食就更抵啦。補充一下, 呢度平時9點半就閂門架啦, 今晚都只係延長至10點。餐廳位於街坊商場入面, 鋪頭都好早收,食飽之後已經冇咩可以行, 不過對於我
情人節流流, 夜晚8點幾黎到, 竟然都唔使等位男人們, 下次大時大節唔記得卜位可以諗諗樂富啦。
節日只有套餐, 冇得散嗌。我地就叫左法國燒春雞 & 澳洲穀飼牛
頭盤有磨菇忌廉湯 & 煙三文魚意式沙律。個湯充滿磨菇粒, 夠曬濃郁。沙律菜亦都好新鮮。
香草烤原隻法國春雞
烤雞面頭燶燶地, 用鐵盤上, 加上香草同配菜, 賣相已經唔錯, 一切開真係不得了!!!
啲雞汁同雞油流曬出嚟好有衝動想叫多個麵包點埋啲肉汁嚟食
澳洲穀飼牛
牛排好厚身, 叫Medium(五成熟)就啱啱好
切落中間重見到粉紅肉質, 食落軟嫩多汁
壓軸甜品雪糕杯啱曬我口味, 雲呢拿雪糕配埋下面嘅Brownie, 係我最鍾意嘅配搭之一
節日套餐係比平時貴啲架啦, 但埋單加埋一都係$500多DD, 食水唔算深。平日黎食就更抵啦。
補充一下, 呢度平時9點半就閂門架啦, 今晚都只係延長至10點。餐廳位於街坊商場入面, 鋪頭都好早收,食飽之後已經冇咩可以行, 不過對於我呢啲食飽就歸家嘅灰姑娘就冇乜影響啦。
呢間要入回味list啦
张贴
