鋒味廚房

营业中

休息中

今日近近地想西鐵站附近搵食，原來朗屏8號隔離開左間酒樓，唔係好起眼，但原來都唔錯。兩個人點左個酥炸桶蠔，椒鹽鮮魷，淮山豬肚雞煲，搭個白飯岩岩好。酥炸桶蠔炸蠔都係出街食先好食，自己炸唔到呢啲水準，炸得好鬆化，蠔又夠鮮甜，點啲醋就更正。椒鹽鮮魷估佢唔到用咁厚既鮮魷，大大塊又厚肉，好鮮味淮山豬肚雞煲呢個清淡一點，但材料新鮮，豬肚都處理得好乾淨，上菜時仲熱辣辣原來每張枱仲有甜品同糖水，而家真係好少酒樓會有啦，有桂花糕同馬豆糕，仲有紅豆沙，仲要係好味個隻，真係要讚一讚。佢餐牌仲有唔同晚飯孖寶，不過兩個人食就太多，岩多啲人一齊食。