影片
更多
2020-08-19
50 浏览
受疫情的影響， 已經很久沒有出去同朋友食下午茶了。受朋友A的邀請， 就到了尖沙咀美麗華商場地下的咖啡店《Espresso Alchemy》 嘆番杯高質素嘅咖啡， 為壓力爆燈的生活打打氣。唔查字典都唔知道， 原來Alchemy 是煉金術的意思。 呢一間cafe將調配咖啡演繹為鍊金術， 大概係想表達對沖調咖啡的那一份堅持和一絲不苟精神。呢一間cafe搜羅咗各國得獎嘅咖啡豆， 今日我所選擇嘅就係嚟自哥倫比亞嘅咖啡豆， 貪心嘅我更選擇咗competition tasting set， 既可以試到香濃嘅espresso， 亦有香滑嘅cappuccino， 雙重享受。一遞上咖啡就聞到那份令人難以忘懷嘅香氣， espresso要趁熱飲， 更要一口喝下才能品嚐到那份爆炸感，先感受那份橘子嘅酸味，然後就是那份動人的堅果香，係口腔徘徊不散，令人印象相當難忘。至於那一杯cappuccino， 細緻香滑，奶泡綿密， 畀人另一番感受。餐廳除咗有高質素嘅咖啡嘆之外， 仲有沙律同意粉等食物供應。呢一個煙三文魚沙律，看似簡單， 但味道層次都好豐富， 簡直係女士必點之選。 有別於平時嘅凱撒沙律汁， 呢個沙律用咗甜甜酸酸
受朋友A的邀請， 就到了尖沙咀美麗華商場地下的咖啡店《Espresso Alchemy》 嘆番杯高質素嘅咖啡， 為壓力爆燈的生活打打氣。
唔查字典都唔知道， 原來Alchemy 是煉金術的意思。 呢一間cafe將調配咖啡演繹為鍊金術， 大概係想表達對沖調咖啡的那一份堅持和一絲不苟精神。
呢一間cafe搜羅咗各國得獎嘅咖啡豆， 今日我所選擇嘅就係嚟自哥倫比亞嘅咖啡豆， 貪心嘅我更選擇咗competition tasting set， 既可以試到香濃嘅espresso， 亦有香滑嘅cappuccino， 雙重享受。
一遞上咖啡就聞到那份令人難以忘懷嘅香氣， espresso要趁熱飲， 更要一口喝下才能品嚐到那份爆炸感，先感受那份橘子嘅酸味，然後就是那份動人的堅果香，係口腔徘徊不散，令人印象相當難忘。
至於那一杯cappuccino， 細緻香滑，奶泡綿密， 畀人另一番感受。
餐廳除咗有高質素嘅咖啡嘆之外， 仲有沙律同意粉等食物供應。
呢一個煙三文魚沙律，看似簡單， 但味道層次都好豐富， 簡直係女士必點之選。 有別於平時嘅凱撒沙律汁， 呢個沙律用咗甜甜酸酸嘅黑醋同橄欖油， 再加上Sun dried tomato， 食起嚟提升酸味， 令人越食越開胃。 沙律菜亦都夠新鮮，非常爽脆。
另外嘅蟹肉味噌扁麵， 用上咗全蛋製嘅意大利扁麵， 食起嚟滲出蛋香。 呢一個paste有fusion日本菜嘅感覺， 味噌唔會過咸， 既可以提鮮，亦能保留一梳梳蟹肉嘅鮮甜， 加埋本菇以提升意粉嘅口感。
最後叫咗一個芝士蛋糕配Alchemy咖啡醬可可脆粒， 同咖啡非常之配襯。 cheesecake非常香濃， 一口咖啡一口cheesecake簡直係人生最高享受。
另外由於受疫情影響都外賣咗一份all day breakfast返屋企做晚餐。 呢一份all day breakfast非常豐富， 既有滑捋捋嘅炒蛋， 亦有煙三文魚同埋香草腸仔， 另外仲有牛角包同埋餐廳嘅signature咖啡白朱古力西多士， 用焗爐焗返熱之後外脆內軟， 咖啡白朱古力西多士既唔會太甜， 亦有淡淡嘅咖啡香， 當係甜品食就最適合不過。
张贴
