更多
2025-06-06
360 浏览
Owens 餐廳的環境典雅舒適,好啱朋友聚餐或浪漫約會。食物質素非常高質,全部都好好食!服務人員非常Nice又主動有效率,巳經好想再去第二次🤣香煎比目魚黑松露意大利飯 ($142)必食推介!🥹 比目魚煎得啱啱好,外皮好脆又多油脂內又鮮嫩。配埋黑松露意大利飯,超香濃,米飯鬆軟,吸收左魚嘅鮮味,同每粒飯都比黑松露醬汁包住,超好食!仲有餐湯/沙律同野飲跟餐,今日是日餐湯係南瓜忌廉湯,濃郁滑順,甜甜地好開胃。飲品叫左檸檬柚子蜂蜜,好清新解膩~🌟 評分: 9/10龍蝦汁磯燒鮑魚扁意粉 ($138)龍蝦汁好濃郁,帶有海鮮嘅鮮甜,上面仲有4隻鮑魚,口感鮮美,撈埋醬汁一齊食一流!意粉煮得啱啱好,軟硬適中。呢個都係有餐湯/沙律同野飲跟餐。飲品叫左鮮橙汁,酸甜適中。🌟 評分: 8/10酥炸吉列生蠔(4隻) (+$28)炸蠔外皮酥脆,內裡鮮嫩,配埋特製醬汁好好食!仲要跟餐價加$28就有4隻,平均都係$7隻有咁嘅質素真係好抵!🌟 評分: 8.5/10蒜蓉/芝士焗扇貝(4隻) (+$68)扇貝鮮嫩多汁極大隻!蒜蓉香味十足,芝士焗的版本增添左濃郁感,無論係蒜蓉定芝士版本都值得一試,個人推介蒜蓉味多啲!🌟 評分:
香煎比目魚黑松露意大利飯 ($142)
必食推介!🥹 比目魚煎得啱啱好,外皮好脆又多油脂內又鮮嫩。配埋黑松露意大利飯,超香濃,米飯鬆軟,吸收左魚嘅鮮味,同每粒飯都比黑松露醬汁包住,超好食!仲有餐湯/沙律同野飲跟餐,今日是日餐湯係南瓜忌廉湯,濃郁滑順,甜甜地好開胃。飲品叫左檸檬柚子蜂蜜,好清新解膩~
🌟 評分: 9/10
龍蝦汁磯燒鮑魚扁意粉 ($138)
龍蝦汁好濃郁,帶有海鮮嘅鮮甜,上面仲有4隻鮑魚,口感鮮美,撈埋醬汁一齊食一流!意粉煮得啱啱好,軟硬適中。呢個都係有餐湯/沙律同野飲跟餐。飲品叫左鮮橙汁,酸甜適中。
🌟 評分: 8/10
酥炸吉列生蠔(4隻) (+$28)
炸蠔外皮酥脆,內裡鮮嫩,配埋特製醬汁好好食!仲要跟餐價加$28就有4隻,平均都係$7隻有咁嘅質素真係好抵!
🌟 評分: 8.5/10
蒜蓉/芝士焗扇貝(4隻) (+$68)
扇貝鮮嫩多汁極大隻!蒜蓉香味十足,芝士焗的版本增添左濃郁感,無論係蒜蓉定芝士版本都值得一試,個人推介蒜蓉味多啲!
🌟 評分: 9/10
意式白酒煮蜆 (+$38)
蜆肉鮮甜,湯汁清爽,加埋香草同蒜調味,白酒嘅香氣撲鼻,夾埋蜆肉食有層次感。
🌟 評分: 8/10
伯爵茶麻糬提拉米蘇 (+$48)
新推嘅創新甜品,麻糬嘅煙韌Q彈口感同提拉米蘇嘅綿密一齊食好match好好食,帶有淡淡嘅伯爵茶香,清新不膩,十分推介!
🌟 評分: 9/10
芒果楊枝甘露蛋糕
餐廳新推出左融合港式風味嘅甜品好特別!芒果肉香甜,蛋糕口感鬆軟,再加左大大粒西米好有咬口。
🌟 評分: 8.5/10
🎖️整體評分🎖️
❤️ 味道: 8.5/10
🧡 環境: 9/10
💛 服務: 9/10
💙 性價比: 9/10
📍 Owens (將軍澳)
將軍澳唐德街9號將軍澳中心1樓135A號舖
张贴