夜。鐵板燒

好店推介❤️話說今日去咗尖沙咀山林道嘅夜。鐵板燒食Dinner，侍應服務態度和藹親切，食物新鮮，師傅更特別設計不同顏色的醬汁，打卡超靚，真心正👍🏻匈牙利鴨肝🦆鴨肝味濃，咬落煎過兩邊，卜卜脆。口感實在，唔會散😍由於鴨肝本身已經有很多油份，如果處理得唔好就會有好重嘅油膩感，但師傅所整嘅就無，可見佢哋真係好專業，廚藝了得😌十分佩服！日本水果🍈蜜瓜甜度高又多汁，和菓子外表好精緻，非常好味🤤美國頂級牛肉肉眼🥩牛肉非常厚肉，外層焦香，肉色呈粉紅，咬落去有頗多肉汁流出，且熟度則好，口感唔柴唔乾，肉質鮮嫩，證明師傅時間控制得十分好，值得一讚😜龍蝦味增湯🥣龍蝦味湯底質感濃稠，啖啖充滿鮮味，配上龍蝦肉、洋蔥等配料，口感豐富，good😎生蠔🦪生蠔好清甜，鮮甜感比較重，有海水味，而師傅利用鐵板烹調，令生蠔鮮汁滲出，成舊連汁食，好過癮☺️